شوفتك ما قدرتش اكلمك

بسم الله الرحمن الرحيم

شوفتك ما قدرتش اكلمك ومشيت من غير ما افهمك

انك انت روحى وانا عمرى ما اظلمك وان كنت مشيت فأنا كده مش نسيت

دا انت على طول جوايا وروحك دايما معايا وربنا يعلم النوايا

ومفكرنى خدعتك ونسيتك وانى كمان عمرى ما حبيتك

وانت لو دخلت جوايا ها تعرف ان روحك هى هوايا وان مفيش يوم بيعدى عليا الا ما اعتبر ذكراك

هى اغلى هديه

بس بصراحه

بحاول انساك واكوى قلبى بهواك وانسى حتى ذكراك بس ازاى دا انا لسه شيفاك ؟؟

انا عارفه ان دا صعب عليك بس خلاص صورتى غابت عن عنيك

واتغيرت لمسة ايديك وعقلك عمالك يناديك ويقولك امشى وانسانى ودور على حد تانى

وانا بقا مش عايزه اكون بديل وحبك ليا يبقا مجرد جميل

وانك تبقا معايا مجرد عابر لسبيل عشان كده ها اسيبك تشوف وتميل وتشم بقا العبير

صحيح ما انا كنت قافله عليك وكاتمه النور عن عنيك

مش كده زى ما انت بتقول وانى بظلمك على طول

عشان كده النهايه قربت والقلوب اتغيرت واستعدت للفراق الى مش ها يجى بعده اشتياق

( مما كتبت )

ايه بجد الموضوع ده تحفه بجد وجامد جدا والله ودى مش مجامله وكان مستخبى كل ده فين يابنت خلتى

ايه الكلام الجامد ده على فكرة انتى شاعرة جامدة جدا بس الكلام ده ميطلعش غير لو كنتى حساه بجد

احيكى واللهى على الكلام الجامد ده

سيعجز كلامى وصف كل هذا الجمال
و كانت كلامتك بمثابة عصا الساحر التى حركت مشاعرى
ولا كلام مثله يجعلنى يبدو على الانشغال الا كلام خرج من قلب و دخل الى قلبى بسلاسة و انسجام


كلماتك ساحرة لان اللى هيقراها هيحس بصدقها
بامانة مش قد كدة
هههههههههههههههههههههههه
طبعا بهزر
والهى جامد مووووووووووووووووووووووووووووووووووت

ايه والله الموضوع تحفه وانا متهيقلى دى اول مره احسه وانا بقراه بس الكلام ده كان جوه قلبك بيعمل ايه

مرسى شادى
وشكرا على المرور

بجد الكلام دة جامد اخر حاجة
نايس توبيك

ميرسى ع الكلام الجامد ده مش بقولك وجعنى قوى بس جميل جدا تسلم ايدك ياايوش

الله يسلمك يا ايوش تسلمى

جميلة جدا يا اية وشكرا جدا .....بس محدش يستاهل اى بكاء او ان تتذكرى او حتى ان تندمى انكى لم تقولى لة شى لانة تعمد ذلك ....ودة لانة ورة الاهم

تسلميلى ريمو حببتى

وليمو فعلا ماحدش يستاهل والدنيا فعلا مش بتستنى حد او حاجه
وشكرا على مرورك