| | انا وبنت الجيران............. |  |
|
|
| كاتب الموضوع | رسالة |
|---|
LEMOOO
عضو جديد
  السٌّمعَة يا باشا : 0
تاريخ التسجيل : 26/11/2009
العمر : 79
المزاج : زى الزفت
| | موضوع: انا وبنت الجيران............. الأحد نوفمبر 29, 2009 1:20 pm | |
| الحكاية بتبدأ من حوالى سنتين....
العفش بينزل من على عربية النقل...
و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..
و بعد أسبوع......
أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)
و أثناء الحديث الشيق ده..
طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...
الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..
و لما شافتنى زى ما تكون شافت عفريت ودخلت على جوة جرى...
و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. اى تلكيكة والسلام
الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...
و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...
لحد ما جه اليوم...
انا راجع م الكلية.. وعلى اول الشارع شفت أمى واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟
قالتلى عندى 3 سنين
رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر مع بعض | |
|
| | |
mido hokok
عضو لامع
رقم عضوية : 33
 السٌّمعَة يا باشا : 1
تاريخ التسجيل : 12/07/2009
العمر : 32
المزاج : ساعات فوق و ساعات منيل بنيلة
| | موضوع: رد: انا وبنت الجيران............. الأحد نوفمبر 29, 2009 5:10 pm | |
| ههههههههههههههههههههههههههههههههههههههههههههههههههههههههه
كل القصه دى و طلعت 3 سنين ههههههههههه
و انا عمال اقرا اقرا مستنى اسمع الباقى و بعدين تطلع 3 سنين ههههههههههههههههههههههه
ماشى ماشى | |
|
| | |
منونة الاسكندرية
عضو جامد
  السٌّمعَة يا باشا : 0
تاريخ التسجيل : 18/09/2009
العمر : 28
المزاج : ملل
| | موضوع: رد: انا وبنت الجيران............. الأحد نوفمبر 29, 2009 5:54 pm | |
| ههههههههههههههههههههههههههههههههههههههه
ههههههههههههههههههههههههههههههههههههههههههههه
ههههههههههههههههههههه | |
|
| | |
AYa
كاتب vip
رقم عضوية : 6
 السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟
| | موضوع: رد: انا وبنت الجيران............. الأحد نوفمبر 29, 2009 8:20 pm | |
| انا اول ما قرات تيشرت حمالات حسيت ان فى حاجه مش متظبطه وكنت شاكه انها صغيره
بس قصه جميله والله
وابقا سلملى بقا على روفيده
وتسلم ايدك على القصه الحلوه دى | |
|
| | |
LEMOOO
عضو جديد
السٌّمعَة يا باشا : 0
تاريخ التسجيل : 26/11/2009
العمر : 79
المزاج : زى الزفت
| | موضوع: رد: انا وبنت الجيران............. الإثنين نوفمبر 30, 2009 8:16 am | |
| شكرا جدا ليك يا ميدووو.....ويرب تكون القصة عجبتك
وليكى يا اجمل اسكندرنية
وتسلمى لمرورك يا اية ........... | |
|
| | |
هشام
عضو لامع
رقم عضوية : 30
 السٌّمعَة يا باشا : 3
تاريخ التسجيل : 03/07/2009
العمر : 32
المزاج : مش اد كدة
| | موضوع: رد: انا وبنت الجيران............. الثلاثاء ديسمبر 01, 2009 1:41 am | |
| ههههههههههههههههههه
ههههههههههههههههههههههههههه
بقا كده ماشى يا عم
بس بجد قصه جاااااااااااااااااااااامده موت
و بجد بجد تسلم ايدك
على التوبيك الجميل ده
و ايه يا عم مش تعرفنا على نفسك
و انت فى كليه ايه وكده
على العموم انا اسمى هشام
و طالب فى كليه التجاره جامعه حلوان
و يا رب نبقى اصحاب ده لو مش
هيضياق يعنى | |
|
| | |
beckham
عضو لامع
رقم عضوية : 25
 السٌّمعَة يا باشا : 0
تاريخ التسجيل : 27/06/2009
العمر : 33
المزاج : لا يقدر على مواصلة الحياة تغلبت عليه الهموم ولكنه يعيش على امل ما
| | موضوع: رد: انا وبنت الجيران............. الثلاثاء ديسمبر 01, 2009 11:52 am | |
| هههههههههههههههههه
جاااااامدة موووووووووووووووووووت بس انا برضوا اول ما سمعت تي شيرت حمالات استغربت
قولت اكيد مقلب عالعموم تسلم ايدك يا مان
بس اجمد حاجة فى الحوار دا كله
هبا ايه هبا اه انشاء الله هنظبط | |
|
| | |
LEMOOO
عضو جديد
السٌّمعَة يا باشا : 0
تاريخ التسجيل : 26/11/2009
العمر : 79
المزاج : زى الزفت
| | موضوع: رد: انا وبنت الجيران............. الثلاثاء ديسمبر 01, 2009 7:29 pm | |
| شكرا جدا ليك يا هشام ويرب تكون عجبتك القصة .......
......وانا يسيدى محمد من القاهرة الهرم وبدرس نظم معلومات فى المقطم وحاليا انا فى السويس بحكم شغلى الى فى السخنة
.......................................
شكرا جدا لمرورك وانشاء اللة تكون روفيدة عجبتك اظبطهالك هههههههههه | |
|
| | |
LEMOOO
عضو جديد
السٌّمعَة يا باشا : 0
تاريخ التسجيل : 26/11/2009
العمر : 79
المزاج : زى الزفت
| | موضوع: رد: انا وبنت الجيران............. الثلاثاء ديسمبر 01, 2009 7:31 pm | |
| شكرا جدا ليك بيكهام بس اية رايك .......يرب تكون عجبتك | |
|
| | |
| | انا وبنت الجيران............. | |
|
