سجل حضورك اليومي بموقف او حكمة او مقولة أو ......

بعد التحية


موضوعي اليوم مرتبط بكم جميعا ... والفكرة كلها انك
كل ما تدخل المنتدي و تنورنا علي القسم العام
المطلوب منك هو كتابةالاتي:


موقف حدث معاك اليوم
أو
حكمة علمتها لك الحياة
أو
مشكلة مررت بها اليوم
أو
كلمة شكر لشخص قريب من قلبك
أو
خبر حلو تحب تقولة اليوم


المهم انك لازم تدخل كل يوم و تسجل حضورك بكل ما ذكرتة وكل هذا سيكون ذكري دائمة لك ولنا جميعا بأذن الله


يارب تكون الفكرة عجبتكم

خدمت الرياضه فى طفولتى و ها هى تخدمنى فى شيخوختى

الف شكر وفعلا حكمه رائعه
نورتي التوبيك

فكره بجد تستاهل عليها الشكر والله تسلم دماغك الى بتفكر وايديك الى بتكتب.
انا بقا بما انى داخله على طمع فا اكتب كله

موقف حدث معاك اليوم * بما ان لسه دلوقت بدرى فا لسه ماخرجتش وماحصليش مواقف لكن اكيد اكيد هايحصل ولما يحصل باذن الله ها احكى

حكمة علمتها لك الحياة
لكل كلمه اذن فلعل اذنك ليست لكلماتى فلا تتهمنى بالغموض
مشكلة مررت بها اليوم
ده احنا لسه بنقول ياهاااااااادى وباذن الله مش ها يكون مشاكل
كلمة شكر لشخص قريب من قلبك
لوالدتى كل سنه وهى طيبه
ولحد بحترمه جدااااااااااااا ربنا يكرمك
خبر حلو تحب تقولة اليوم
هو خبر قديم شويه لكنه حلوو
خطوبه بنت عمى


باذن الله كل ما ادخل المنتدى ها اجى اسجل حضورى بس يارب مايجيلك صداع من وشى
وتسلم ايديك على التوبيك

نورتييييييييييييييييييي ياايه
والله كلامك زي العسل
انا عمري ميجيلي صداع من اختي
وتسلم ايديكي ياايه
وشكرا علي مجهودك
والف مبروك لبنت عمك
ويارب يكون الزوج الصالح

انا جيت

موقف حدث معاك اليوم
الساعه حوالى 11 الصبح لقيت بابا جاى وبينادى على شادى اخويا لكن شادى ماكنش موجود فارديت انا ايوووووى يابابا نعم قالى شادى هنا قولتله لالا قالى طيب تعالى فا نزلتله لقيته جايب قطتين صغيرين واحده بنى والتانيه قالبه على رصاصى كده
فا انا شوفتهم وانبسط يعنى لان اخويا كان نفسه يشترى قطه او كلب صغيور فالمهم بابا حط القطتين ومشى فا انا كلمت شادى فى الموبيل وقولتله تعالى بابا جابلك قطتين فهو سمعها قرصتين مش قطتين فقام شتمنى وقالى ايه التفاهه دى بتطلبينى عشان تقولى بابا جاب قرصتين هههههههه وبعدها جيه البيت فشاف القطتين وانبهر واصلا ماكنش مصدق وقومنا مسمينهم شوشو ويويو



حكمة علمتها لك الحياة
الريش الجميل ليس كافيا ليصنع طائر جميل


مشكلة مررت بها اليوم
مش مشكله بمعنى مشكله يعنى حاجه زى مأزق صغير هههههههه بس الحمدلله عدى على خير



كلمة شكر لشخص قريب من قلبك
لشخصيه ما * بقولها شكراااااا اوووووى لانك علمتنى حاجات كتيررر وفعلا انا بحترمك جدااااااااااااا حتى فى غيابك


خبر حلو تحب تقولة اليوم
خبر حلو ؟؟ مممممم ممكن شوفت حد بقالى كتيرررررر جداااااا
وشوفت واحده صاحبتى بقالى كتيرر برضو ماشوفتهاش وكانت وحشانى

مرسي ياايه علي دخولك موضوعي
ومبرووووووووك القطه
وشكرا مرا تانيه

انا جيت

موقف حدث معاك اليوم *
هو مش اليوم اليوم هو اول امبارح
كان عندى سنه بتوجعنى اووووووووى وهى اصلا مش مسوسه وسليمه وعاديه لكن بتوجعنى جداااااا فانا كنت ها اتجنن من وجعها فارحت لدكتور وانا اساسا مفيش عمار بينى وبين دكاتره الاسنان ولا بحبهم اصلا بس اهو ادينى رحت وبابا كان معايا وبما ان الدكتور صاحب بابا جدااااا فاكنت مطمنه شويه والى كان مطمنى اكتر انى كنت رايحه زى ماتقولو كده فحص لا خلع ولا حشو عشان كده كنت داخله بقلب جامد
فالمهم قاعدت فا الدكتور بيقولى افتحى يلا ورينى فالمهم فتحت والمفرود انى ها اقوله ايه الى بيوجعنى فابقوله يادكتور السنه دى بتوجعنى وهى مش مسوسه ولا حاجه قالى بصى قولى كل الى عندك فاقومت قولتله وبعدين جاب حاجه كده ما اعرفش اسمها بس انا مسمياها الشاكوش هههههههه فالمهم قام ضاربنى بيها على سنتى الى بتوجعنى فابجد وجعتنى اكتر وقام قايلى دى سليمه مفيهاش حاجه وقام حاجه تانيه كده وقام ضربها على ضرس ليا فى فكى الى فوق وضربها على ضرس تحته بالضبط فى فكى الى تحت وقالى هما دول مسوسين وبيضربو فى بعض وبيوجعولك سنتك فالمهم انا قولت فى عقل بالى ( افادكم الله اقوم امشى ) وعرفت بعدها انه ها يحشيهم بدل ما يخلعهم ( الراجل ده حنين اوووى) فاانا بصيت لبابا الى هو ما اتفقناش على كده ومسكت ايد الدكتور والى هو لا يمكن تعملى حاجه فى ضروسى وعيطت بقا وكانت حالتى تصعب على الكافر فالمهم رسى الموضوع انه ها احشى الضرسين يعنى ها احشيهم فالقيته بيقولى ها اجبلك حقنه بنج ولا لا ؟ الى هو بيخيرنى فا انا قولتله وكمان من غير بنج لالا طبعا انا عايزه بنج وقام جاب بتاعه كده برضو ما اعرفش اسمها بس هى بتطلع هواء ودخلها وقاعد بيها فى الضرس اتاريها مش بتطلع هواء لا دى بتشيل الى فيه ( اصل اانا ناصحه اوووى ) وعامل الى تحته وخلاص بس للامانه انا ماحستش بوجع
وخرجت من عنده وطبعا بما انى كنت واخده حقنه بنج تقريبا فى اللثه فا كنت حاسه وانا خارجه انى واخده بوكس فى وشى او بمعنى اصح شكلى مش طبيعى وانى تقريبا اتشليت لكن الحمدلله الحمدلله الحمدلله عدى الموضوع على خير
وللاسف الشديد لسه ها اروح عند الدكتور ده تانى عشان يشوف ويطمن على الى عمله فى الضروس وبس
ادعولى بقا ارجع بالسلامه

وشكرا

الف سلامه عليكى يا اوشا ان شاء الله اللى يكرهك

الله يسلمك يا نيدو يا امير يا طيب انت

مفيش فى دماغى اى حاجه انا الارسال عندى فاصل دلوقت
تيت تيت تيت

منوره ياايه
يشرفني مرورك