تعالى هنا وشوف نفسك !!

السلام عليكم ورحمة الله

دى بقا مجموعه من الاسئله متنوعه يعنى ليها فى كل حاجه
يلا نبدأ

[size=21]*القسم الاول:اسئلة دينية:-
1-بتتخيل (بتتخيلى)نفسك فى الجنة اكتر ,وله فى النار اكتر؟
2-اما بتزور المقابر او بتعدى عليها ,احساسك بيبقى عامل ازاى؟
3-حاسس ان ربنا بيقف جنبك فى مواقف صعبة كتير و انت بردة حاسس انك "ندل حبتين"؟
4-انت حاسس ان ربنا راضى عنك اصلا؟
5-بأمانة,,حلمت بالرسول قبل كدة؟طب لو حلمت او حلمتى قال لك اية؟

القسم الثانى:اسئلة نفسية:-
1-بأمانة برده,,انت شخصية نكدية؟
2-بتبكى قدام الناس و له بتستكبر تعمل كده؟
3-انت شخصية ضعيفة وله قوية؟
4-طب دلوقتى ,انت مكتئب و له فرحان؟و له بين البنين؟
5-بتسمعى
كلام اخوكى و تتفهميه و له "اخوية اية و بتاع اية مفيش اضمن من
الصحاب"..بتسمع كلام اختك و تتفهمهاو له"انا اسمع كلام بت و اختى كمان ايه
الهبل ده"!!!!!!!!!!!!!!؟
6-انت معجب بشكلك و انت حاسة ان شكلك حلو؟

القسم الثالث:اسئلة الحب:-
1-انت شخصية محبوبة من الناس..وله الناس بتسترخمك؟
2-عمرك حبيت من طرف واحد قبل كدة؟
3-نفسك تتحب؟
4-مريت بقسة فاشلة؟
5-قد اية بتتنازل علشان اللى بتحبه؟
6-هو فى كرامة فى الحب,يعنى انت مع العبارة دى؟
7- اللى حتتجوزها نفسك يبقى اسمها اية؟اللى حتتجوزيه نفسك يبقى اسمه ايه؟
8-بزمتك بتحب اسمك؟
9-بتحب على روحك؟طول ما انت ماشى عمال تحب فى الناس؟!

م الرابع:اسئلة عامة:-
1-نفسك فى ايه علشان تكون سعيد و راضى؟
2-لو شفتى اخوكى بيعاكس البنات فى الشارع,,اتفاجئتى,,اية حيبقى موقفك؟
3-لو عرفت ان اختك "مصاحبة" اية حيبقى رد فعلك؟
4-لو
لقيت 7شبان بيعكسوا بنت بطريقة فظيعة,,بأمانة شديدة و صراحة حتعمل اية فى
الموقف ده؟(خد بالك ان هم 7 شبان طول بعرض و بلطجية يعنى ممكن
يشحوروك)!!!!!!!!!!!!!!!!!!
5-نفسك تعتذر لمين انت غلط فية؟
6-تقول لمين "ارجوك انا عاوزة احبك و احترمك,حسن صورتك عندى شوية"؟
7-بتقول لمين"تملى معاك"؟
8-بتقول لمين "هو فى ايه؟!!!!!!!!!!!"؟
9-بتكره الخيانة قد اية؟
10-يعنى ايه كلمة "وطن"؟ (بالنسبة لك)

و اخر سؤال:-
تحبوا تسألونى اى حاجة؟..طب تحبوا تسألوا اى حد جوة المنتدى اى سؤال؟,,طب برة المنتدى ؟...طب اى حاجة طيب

...!!

[/size]

انا قولت اجاوب انا الاول
بسم الله

القسم الاول:اسئلة دينية:-

بتتخيل (بتتخيلى)نفسك فى الجنة اكتر ,وله فى النار اكتر؟
ماحدش ابدااا يحب يشوف نفسه فى النار وماحدش يحب لنفسه العذاب والعقاب يارب ابعد عنى النار وعن كل الناس
وانا الحمدلله بدال ماشيه بما يرضى الله يبقا ما اتخيلش ابداا فى النار وبعد اما اعمل الى عليا يبقا الباقى على ربنا

اما بتزور المقابر او بتعدى عليها ,احساسك بيبقى عامل ازاى؟
بحس ان الدنيا دى حاجه تافهه اووى ومش مستاهله كل التعب والشقاء والتمسك فيها زى ما الواحد بيشوف وبحمد ربنا انى لسه عايشه ولسه قدامى فرصه

حاسس ان ربنا بيقف جنبك فى مواقف صعبة كتير و انت بردة حاسس انك "ندل حبتين"؟
ربنا هو الى خالقنا وهو احسن من الكل عز وجل واكيد رحمته وسعت كل شئ
والانسان بطبعه بيخطئ مش ملاك

انت حاسس ان ربنا راضى عنك اصلا؟
الحمدلله على كل شئ لما الاقى كل الى حوليا بيحبونى وراضين عنى ساعتها اكيد ربنا راضى عنى وبيحبنى والحمدلله على كل شئ

بأمانة,,حلمت بالرسول قبل كدة؟طب لو حلمت او حلمتى قال لك اية؟
اه الحمدلله حلمت بيه تقريبا من اكتر من خمس او ست سنين
وطبعا فاكره الحلم لكن مش ها اقوله

القسم الثانى:اسئلة نفسية:-
-بأمانة برده,,انت شخصية نكدية؟
لالا الحمدلله انا حد مرح جدااااااا واجتماعى ولله الحمد

بتبكى قدام الناس و له بتستكبر تعمل كده؟
انا ما اتوصاش فى اى حته وقدام اى حد والبكاء عمره ما كان ضعف دا تفريج عن الى جوه البنى ادم ودا حاجه كويسه جدااااااااا

انت شخصية ضعيفة وله قوية؟
الحمدلله قويه وعمرها ما ها تبقا ضعيفه الحمدلله

طب دلوقتى ,انت مكتئب و له فرحان؟و له بين البنين؟
الحمدلله على كل شئ انا مش زعلانه اوووى لدرجه اكتئاب ولا فرحانه لدرجه انى ها اطير من الفرحه لالالا عادى

بتسمعى
كلام اخوكى و تتفهميه و له "اخوية اية و بتاع اية مفيش اضمن من
الصحاب"..بتسمع كلام اختك و تتفهمهاو له"انا اسمع كلام بت و اختى كمان ايه
الهبل ده"!!!!!!!!!!!!!!؟
والله حسب الكلام والموقف يعنى لو انا مقتنعه بكلامه يبقا على عينى وراسى واسمعه لكن لو مش مقتنعه لا يمكن انفذه سواء بقا من اخويا او من اصحابى اهم حاجه انى مقتنعه

انت معجب بشكلك و انت حاسة ان شكلك حلو؟
ههههههههههه والله حسب اللبس وحسب حالتى النفسيه بس فى معظم الاوقات اه الحمدلله راضيه ومعجبه بشكلى ومش غرور والله

القسم الثالث:اسئلة الحب:-

انت شخصية محبوبة من الناس..وله الناس بتسترخمك؟
الحمدلله محبوبه الحمدلله الحمدلله

عمرك حبيت من طرف واحد قبل كدة؟
الواحد بيعجب بطريقه دا واسلوب دا يعنى ثم ان مشاعر الواحد ملكه لوحده ومش ملك حد تانى
وغيرى مش مسؤل انه يحبنى الحب مش بالاجبار الحب لازم يكون مشاعر متبادله

نفسك تتحب؟
اكيد حد يكرهه يلاقى حد يحبه ويخاف عليه ويغير عليه ويتمنى يكمل معاه طول حياته
حد يكرهه انه يعيش على امل انه يكمل حياته مع حد فعلا بيحبه

مريت بقسة فاشلة؟
الحمدلله على كل شئ
وكل الى حصل مقدر ومكتوب

قد اية بتتنازل علشان اللى بتحبه؟
التنازل بحدود اى حاجه بحدود بتقا كويسه لكن التنازل بعبط يبقا خطر وما ينفعش اصلا
وانا مستعده اتنازل لكن بعيد عن كرامتى وبحدود
لان الحب من غير كرامه كده بقيت جاريه مش واحده حره

هو فى كرامة فى الحب,يعنى انت مع العبارة دى؟
سبحانك ياربى
اكيد طبعاااااااااااااا الكرامه فى كل شئ فى الاكل فى الشرب فى اللبس وفى الحب
اى حاجه من غير كرامه تبقا ذل واهانه
والى يقبل الذل والاهانه على نفسه يبقا مش بنى ادم

اللى حتتجوزها نفسك يبقى اسمها اية؟اللى حتتجوزيه نفسك يبقى اسمه ايه؟
الاسماء عمرها ماكانت دليل على شخصيه الواحد لانها مش بختياره يعنى لو حبيت واحد اسمه برعى ها اقول لالا مش ها احبه لو فيه كل المواصفات الى انا عيزاها اسيبه لمجرد اسمه لالالا طبعا عمرى ما افكر بكده ابداااااااااا

بزمتك بتحب اسمك؟
بصراحه ههههههههه لالا معقده منه
لان لما حد يسئلنى على اسمى
واقول أية
يقولى ايه ؟؟ بتقولى ايه ؟؟ وافضل نصف ساعه بقول اسمى ههههههههه
ولما حد ينادينى ببقا مش عارفه بينادى ولا بيتعجب ههههههههههه
دا بس فى النت لكن فى حياتى عادى خااالص

بتحب على روحك؟طول ما انت ماشى عمال تحب فى الناس؟!
لالا الحمدلله انا تقيله ههههههههه وما احبش غير لما اتاكد من حب الشخص الى قدامى ليا

الرابع:اسئلة عامة:-
نفسك فى ايه علشان تكون سعيد و راضى؟

نفسى انجح وارفع راس اهلى وافرح كل الناس الى حوليا
وامسح دموع كل الناس الى زعلانه وبتبكى

-لو شفتى اخوكى بيعاكس البنات فى الشارع,,اتفاجئتى,,اية حيبقى موقفك؟
لو بنت مؤدبه ومحترمها وانا اعرفها انا ها احاول اوفق بينهم
ولو بنت اى كلام ومش قد كده
لالا طبعا ها اغتت بقا وافضحهم هما الاتنين فى وسط الشارع ههههههههههه

لو عرفت ان اختك "مصاحبة" اية حيبقى رد فعلك؟
؟؟؟؟؟؟؟؟
لو ليا اخت وفعلا كده
ها اشوف الولد واحاول اسئل عليه واشوف اخلاقه ولو فعلا مؤدب ومحترم ها اشجعها واحاول اوفق بينهم لكن لو ولد مش مظبط انصحها ان شاء الله مره واتنين وتلاته

لقيت 7شبان بيعكسوا بنت بطريقة فظيعة,,بأمانة شديدة و صراحة حتعمل اية فى
الموقف ده؟(خد بالك ان هم 7 شبان طول بعرض و بلطجية يعنى ممكن
يشحوروك)!!!!!!!!!!!!!!!!!!

لو حصل موقف زى دا قدامى
والله ما اسكت ابداااااااا بس ما انساش انى بنت ولوحدى ها اوقف اى حد فى الشارع والشهامه والرجوله بقا تبان

نفسك تعتذر لمين انت غلط فية؟
اعتذر لنفسى ولاى حد غلطت فيه
والله غصب عنى

تقول لمين "ارجوك انا عاوزة احبك و احترمك,حسن صورتك عندى شوية"؟
هههههههههه حاجه سكريت !!

بتقول لمين"تملى معاك"؟
مع اى حد بيحبنى ودايما بيفكر ليا انا دايما معاه

بتقول لمين "هو فى ايه؟!!!!!!!!!!!"؟
خناقه يعنى تبقا لاى حد يضايقنى ويحرقلى دمى
اقوله دى

بتكره الخيانة قد اية؟
قد كرهه المسلم للنار
ياااااااااااااه الخيانه ابشع حاجه فى الدنيااااااااااااا

يعنى ايه كلمة "وطن"؟ (بالنسبة لك)
الوطن هو عشى الى بنام فيه هو الارض الى بمشى عليه
هو وهو وهو مش كلمتين وخلاص يتقالو عليه

انا كده خلصت وتم بحمدلله

» تعالى وجاوب
» إبدأ يومك فى المنتدى بذكر الله تعالى
» كي تحترم نفسك حقا
» لو انتا جرئ وواثق من نفسك جاوب علي الاستلة دي بصراحة
» عايز تعرف نفسك ؟؟!!