قربو يا بنات يا حلوات يالى زى الشربات

السلام عليكم ورحمة الله وبركاته

دى مجموعه من الاسئله للبنات بس

يلا نسمى ونبدأ



***ماذا فعلت قبل ساعة من الان***

***أطول مدة تبقين فيها امام الكمبويتر***

***احلى صفة لديك***

***اقصر مهمة يومية تقومين بها***

***كلمة تحبين ان تسمعيها كل صباح***

***كلمة تكرهين ان تسمعيها ف اي وقت***

***هل تجاملين***

***عيب شخصي تعترفني به***

***كيف تعبرين عن غضبك***

***كيف تعبرين عن فرحك***

***هل انت صريحة ام كتومة***

***احب زواية اليك في البيت***

***كيف تعبرين عن رفضك***

***اغلى ماتملكين***

***لحظة ابكتك***

***ذكرى لاتنسينها***

***كم مرة تاكلين في اليوم***

***معركة ربحتها***

***معركة خسرتها***

***كلمة عن الاصدقاء القدامى***

***كم مرة تبدلين مظهرك في اليوم***

***شي تحرصين على حمله معك في كل مكان***

***شي لايمكنك ان تصادقيه***

***عبارة او حكمة تعجبك***

***اخرلحظة انزعجت بها***

***اخر لحظة فرحت بها***

اتمنى الاسئله تكون عجبتكو

اجاوب انا الاول
عشان ابقا اول الحلوات هههههههه

***ماذا فعلت قبل ساعة من الان***
كنت قاعده بزاكر انجلش


**أطول مدة تبقين فيها امام الكمبويتر***
ممكن 4 ساعات


***احلى صفة لديك***
المرح


***اقصر مهمة يومية تقومين بها***
انضف اوضتى



***كلمة تحبين ان تسمعيها كل صباح***
هى دعوه
روحى اللهى يحبب فيكى خلقه


**كلمة تكرهين ان تسمعيها ف اي وقت***
الكلام ساعة الزحمه ده انا بكرهه الواحد يبقا مش طايق نفسه والى جمبه عمال يرغى


*هل تجاملين***
اجامل مش انافق
المجامله بحد متوسط بحيث مبقاش منافقه


*عيب شخصي تعترفني به***
ممكن العصبيه


**كيف تعبرين عن غضبك***
الزعيق والعياط


*كيف تعبرين عن فرحك***
العياط بردو ههههههههه
بمعنى اصح انا واحده نكديه زعلانه اعيط فرحانه اعيط


**هل انت صريحة ام كتومة***
كتومه


*احب زواية اليك في البيت***
قدام باب اوضتى يا سلام اقعد مستربعه ولا احسن بياعه طماطم واقعد ازاكر بقا هههههههه


**كيف تعبرين عن رفضك***
بكل وضوح وصراحه اقول لا

**اغلى ماتملكين***
كرامتى وحب الناس ليا


**لحظة ابكتك***
يوم وفاة ننتى
ويوم ما نجحت السنه ادى
دموع الفرح بقااا ( مش بقول نكديه)



**ذكرى لاتنسينها***
ذكريات الطفوله كلهااااا محفوره فى عقلى وعمرى ما هنساها ابدااا


**كم مرة تاكلين في اليوم***
بما اننا فى صيام فهما مرتين
1* فطار
2* سحور
ولو فى الطبيعى
تبقا تقريبا واحده
وهى الغداء


**معركة ربحتها***
نجاحى السنه ادى
معركه وافتخر انى ربحتها


**معركة خسرتها***
الحمدلله على كل شئ !!


***كلمة عن الاصدقاء القدامى***
لولكوو انا ماكنتش انا


**كم مرة تبدلين مظهرك في اليوم***
تقريبا مرتين


**شي تحرصين على حمله معك في كل مكان***
اكيد قلم جاف
( اومال قلم كحل يعنى) ههههههه


**شي لايمكنك ان تصادقيه***
حاجات كتيررررررررر
واهمهم
ان عالم انت بقا عالم الواقع
يعنى ابقا مثلا قاعده على النت
وفجاه الاقى نفسى جواه ذات نفسه ماحدش ها يفهمنى ماحدش ها يفهمنى ماعلينا


**عبارة او حكمة تعجبك***
يوم لك ويوم عليك
لكل كلمه اذن ولعل اذنك ليست لكلماتى فلا تتهمنى بالغموض


**اخرلحظة انزعجت بها***
اول امبارح


**اخر لحظة فرحت بها***
فرح فرح من سنه
لكن انا عادى يعنى عايشه


تم بحمد الله

***ماذا فعلت قبل ساعة من الان***
رؤئت اوضتي
***أطول مدة تبقين فيها امام الكمبويتر***
9 ساعات والله علشان انا بعشق الكمبيوتر
***احلى صفة لديك***
الصراحه
***اقصر مهمة يومية تقومين بها***
ترويئ سريري
***كلمة تحبين ان تسمعيها كل صباح***
هي بردو دعوة يارب يابنتي ينولك ال في بالك/ من ماما
***كلمة تكرهين ان تسمعيها ف اي وقت***

***هل تجاملين***
لا احب الصراحه
***عيب شخصي تعترفني به***
مش بجامل حد الصراحه علي لساني ع طول
***كيف تعبرين عن غضبك***
كل ما بزعل بقعد في مكان لوحدي واعيط جامد لحد ما افك عن نفسي
***كيف تعبرين عن فرحك***
بالضحك ولابتسامة
***هل انت صريحة ام كتومة***
صريحه جداااا
***احب زواية اليك في البيت***
في زاويه فاضيه في المطبخ
***كيف تعبرين عن رفضك***
بالعياااط
***اغلى ماتملكين***
كرامتي اولا و وماما وبابا
***لحظة ابكتك***
لما كانت ماما تعبانة بس الحمد لله دلوقتي خفت
***ذكرى لاتنسينها***
يوم نجاحي
***كم مرة تاكلين في اليوم***
2 مرتين بس والله
***معركة ربحتها***
مش بعمل معارك اصلا انا وحيده اخانق مع مين يا حصري
***معركة خسرتها***
مش بعمل معارك اصلا انا وحيده اخانق مع مين يا حصري
***كلمة عن الاصدقاء القدامى***
احلي اصدقاء بالعالم
***كم مرة تبدلين مظهرك في اليوم***
2 مرتين
***شي تحرصين على حمله معك في كل مكان***
الموبيل وعلبه المناديل
***شي لايمكنك ان تصادقيه***
يوم النتيجه
***عبارة او حكمة تعجبك***
يارب سترك وعفوك ورض
***اخرلحظة انزعجت بها***

***اخر لحظة فرحت بها***[b]

وسع وسع وسع
قمر هنااااااا يا مرحبا يا مرحبااا
مبدئيا كده
نورتى المنتدى كلها والله
ثانيا نورتى التوبيك
ثالثا ماتعرفيش ردك على التوبيك اسعدنى قد ايه

وتسلمى على كل اجاباتك بس انا ها اعلق على حاجه واحده بس

مش بعمل معارك اصلا انا وحيده اخانق مع مين يا حصري
انسى خااااالص حكايه وحيده دى
بصى هنا هاتشوفى مالا عين رات ولا اذن سمعت ولا خطر على قلب بشر ههههههههه
بصى هنا كلنا اخواتك كلنا بلا استنثاء حد
وانا اول اخواتك بقا ولا ايه؟
واى حاجه اى حاجه عايزها قوليلى انا وانا تحت امرك
عايزه تجربى مناقره الاخوات تعالى نجربها مع بعض هههههههه
والله ياقمر ماتعرفيش اانا فرحانه بيكى قد ايه!!

ونورتى التوبيك والله
ويارب تنورينى فى كل مواضيعى