أمثال مصريه شعبيه جداااااااااااااااااا

كده من غير مقدمات دى مجموعه امثال مصريه جدااااااااااااا
ونسمى ونقول 1

أكل فول و أخرج قفاية عرض و طول … و لا آكل كباب ووقفة الديانة ورا الباب

اللى ما يبكى على وانا حي و سامعه … ساعة الممات يوفر مدامعه

اللى ما يعرف أمك و أبوك … يقول العفاريت ولدوك

بعد ماكان بيحجل زى الغراب لبس جزمه وشراب

بيع الجمال واشترى الخفه ... الجمال كتير بس الخفيف صدفه

على وشك يبان يا نداغ اللبان

حبني و خدلك زعبوط … قلت هي المحبة بالنبوت

اسيادى و اسياد اجدادي … اللى يعولوا همي و هم اولادى

جفن العين جراب … ما يملاه الا التراب

طوبة في البيت و لا جاموسة في الغيط

هدية القرفان … لمونة

خد الاصيلة و لو كانت على الحصيرة

قرد يسلينا … ولا غزال يبكينا

اللى ما تعرفش ترقص … تقول الارض عوجه

جبنا الاقرع يونسنا …. كشف راسه وخوفنا

يادى الشيلة يادى الحطة … رحت على جمل وجيت على قطة

طول ما هو على الحصيرة … لا هيشوف طويلة ولا قصيرة

لو كان القرد بص لحاله … ماكان اللعب جه على باله

من بره رخام … ومن جوه سخام

يموت الزمار وصوابعه بتلعب

الحظ لما يواتي يخلى الأعمى ساعاتي ، والمكسح عجلاتي

لا تصاحب الأقرع ولا تأخذ منه نصيحة ، لو ربنا يحبه كان خلاها له صحيحه

خنفسه شافت ولادها على الخيط ، قالت : ده لولي ملضوم في خيط

الشايب لما يدلع زي الباب المخلع

القرعة تتباهى بشعر بنت أختها

يا مصبر الوحش على الجحش

قليل الأصل لا تعاتبه ولا تلوموا ، ده زي البقعة اللي لا تطلع برابسو ولا بأومو .

ههههههههههههههههههههههه
حلوين والهى

الاحلى هو مرورك يا احمد
نورت التوبيك

اقتباس :: من بره رخام … ومن جوه سخام

[quote]قليل الأصل لا تعاتبه ولا تلوموا ، ده زي البقعة اللي لا تطلع برابسو ولا بأومو .[/quote]
عاجبنى اوىىىىىىىى دول فى الجون

نورت التوبيك يا أحمد
تسلم على مرورك

متعلافش تجيب امثال اكتر ؟؟؟
لانى بعشقها

لالالا اعرف
اوك حاضر انت تؤمر
انتظر ...........

بجد جامدة جدااااااااااا ورائعه تسلم ايديك

الاروع هو مرورك
وتسلم على مرورك

» أمثال مصرية 2
» امثال متحوله من شعبيه لحديثه
» نكت مصريه
» يوميات اسر مصريه ..